TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbledhja e Kryesisë së Kuvendit në Kosovë, që pritej të zhvillohej sot në orën 11:00 është shtyrë për një ditë tjetë. Në njoftimin e dhënë për mediat nuk jepet arsyeja e shtyrjes, por shkak është bërë infektimi i dy zyrtarëve me COVID-19.
Pak ditë më parë, sekretari i Kuvendit të Kosovës, Ismet Krasniqi, dhe një zyrtar tjetër rezultuan pozitivë me Covid-19.
Të dy ata janë të izoluar në shtëpitë e tyre, ku po marrin edhe mjekim. “Pas kryerjes së testit ka rezultuar të jem prekur me Covid-19.
Menjëherë e kam njoftuar Kuvendin dhe aktualisht jam në izolim në shtëpi,” u shpreh Krasniqi pas rezultatit të analizës.
Po ashtu, lajmin se është ai i infektuar me koronavirus e ka dhënë edhe shefi i Grupit parlamentar të LDK-së, Arben Gashi.
Ndërkohë kreu i LDK-së, Isa Mustafa, ka deklaruar se nëse ka probleme me infektime të ligjvënësve, është mirë që seancat parlamentare të shtyhen.
