TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja e PD-së, Dhurata Cupi ka kërkuar zbardhjen e ngjarjes së rëndë në spitalin e Bulqizës, ku një grua humbi tre fëmijët që priste në muajin e pestë të shtatzënisë.
Çupi bën përgjegjëse mungesën e vëmendjes qeveritare për të ofruar shërbim shëndetësor në këto zona.
Deputetja demokrate teksa vijon me akuzat për qeverinë aktuale, shkruan se ajo është e përqëndruar vetëm te propaganda.
“Ajo që kam ngritur shpesh herë si shqetësim per situatën në spitalet e qarkut të Dibrës u përkthye në një dhimbje të madhe për nje familje sot në Bulqizë.
Mungesa e mjekëve dhe e vëmendjes qeveritare për të ofruar shërbim shëndetësor në këto zona, ka sjellë pasoja fatale në humbjen e tre krijesave ende pa ardhur në jetë dhe duke rrezikuar edhe jetën e nënës së re.
Dhjetra herë kam tërhequr vëmendjen dhe kam kërkuar kujdes shëndetësor në këto zona, por thirrjet e mia kanë rënë në vesh të shurdhër.
Qeveria është përqëndruar te propaganda ndërsa jetët e njerëzve po humbin cdo ditë për shkak të mungesës së vëmendjes ndaj tyre.
Është momenti për tiu gjendur afër nënës së re që pritja e ëmbël iu kthye në ferr.
Po ashtu institucioneve të drejtësisë u kërkoj të zbardhin shkaqet e kësaj ngjarje të rëndë”, shkruan Çupi.
