TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Lushnjës ka finalizuar operacionin e koduar “Again”, duke zbardhur dy raste vjedhjeje të ndodhura brenda dy ditësh dhe duke vënë në pranga autorin e dyshuar, Margiglen Gashi, 36 vjeç, banues në fshatin Plug, i dënuar më parë për veprën penale të vjedhjes.
Sipas Policisë, nga veprimet hetimore rezultoi se Gashi dyshohet se ka kryer dy vjedhje në datat 16 dhe 17 korrik 2026 në fshatin Plug, Lushnjë.
Rasti i parë ka ndodhur më 16 korrik, kur ai dyshohet se ka vjedhur dy bateri automjetesh.
Ndërsa në orët e para të mëngjesit të 17 korrikut, 36-vjeçari dyshohet se është futur në një lokal në të njëjtin fshat, ku ka marrë një shumë parash dhe një laptop. Pas vjedhjes, ai dyshohet se i ka vënë flakën lokalit, duke shkaktuar dëme të konsiderueshme materiale.
Shërbimet e Komisariatit të Policisë Lushnjë bënë të mundur identifikimin, kapjen dhe arrestimin në flagrancë të autorit të dyshuar në kuadër të operacionit policor “Again”.
Njoftimi i policisë:
Lushnjë / Finalizohet operacioni policor i koduar “Again”
Kreu 2 vjedhje dhe i vuri flakën një lokali, identifikohet, kapet dhe vihet në pranga autori, i dënuar më parë për vjedhje.
Shërbimet e Komisariatit të Policisë Lushnjë, në kuadër të goditjes së veprimtarisë kriminale në fushën e vjedhjeve, finalizuan operacionin policor të koduar “Again”, gjatë të cilit zbardhën 2 raste vjedhjeje të kryera brenda 2 ditësh.
Në kuadër të këtij operacioni u arrestua në flagrancë shtetasi M. G., 36 vjeç, banues në fshatin Plug, Lushnjë.
Nga veprimet hetimore rezultoi se ky shtetas, i dënuar më parë për veprën penale “Vjedhja”, dyshohet se ka kryer dy vjedhje, më datat 16 dhe 17 korrik 2026, në fshatin Plug, Lushnjë. Gjatë vjedhjes së dytë, në një lokal, pasi ka marrë një shumë parash dhe një laptop, dyshohet se i ka vënë zjarrin objektit.
Konkretisht, më datë 16.07.2026, ai dyshohet se ka vjedhur 2 bateri automjetesh, ndërsa më datë 17.07.2026, në orët e para të mëngjesit, është futur në një lokal në fshatin Plug, Lushnjë, dhe pasi ka marrë një shumë parash dhe një laptop, i ka vënë zjarrin lokalit, duke shkaktuar dëme të shumta materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale.
