SPORT, 22 Shtator 2021, 13:19

E pazakontë/ Baba i 50 fëmijëve dhe i kërkuar nga Interpoli si narko-trafikant, zv.presidenti i shtetit debuton në futbollin profesionist në moshën 60 vjeçare

E pazakontë/ Baba i 50 fëmijëve dhe i kërkuar nga Interpoli
E pazakontë ajo që ka ndodhur në futbollin e Surinamit. Zëvendëspresidenti i Surinamit, Roni Brunsvajk ka debutuar në futbollin profesionist në moshën 60-vjeçare. Brunsvajk ka luajtur për skuadrën që ka në pronësi Inter Moegotapo si kapiten i skuadrës ndaj Olimpia të Hondurasit, sfidë e humbur me rezultatin 0-6, e vlefshme për kompeticionin e CONCAF-it. Ai ka lindur në 7 mars 1961 dhe u aktivizua për 54 minuta ku në fushën e blertë ishte dhe djali i tij. Damian Brunsvajk. Vlen të theksohet se Brunsvajk nuk do ta luajë ndeshjen e kthimit në Honduras për arsye se nuk mund të largohet nga shteti i tij Surinami sepse kërkohet nga Interpoli si narko-trafikant. Babai i 50 fëmijëve, grabitës banke në rininë e tij , pronar i një miniere ari, dhe tani edhe një futbollist profesionist për të përfunduar kurrikulën e tij të një personazhi të denjë për studim.