TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-agjenti i FBI-së, George Piro, i cili mori në pyetje ish-udhëheqësin irakian Saddam Hussein, tha se në 30 sekondat e para të bisedës së tyre gjatë marrjes në pyetje, Sadami dinte dy gjëra për të.
“Gjatë takimit tim të parë me Sadamin, në 30 sekondat e para, ai dinte dy gjëra për mua. Unë i thashë që quhesha Xhorxh Pirro dhe se isha në krye të marrjes në pyetje dhe ai menjëherë më tha: “Ti je libanez”.
I thashë që prindërit e mi janë libanezë dhe më pas ai shtoi “ti je i krishterë”. E pyeta nëse ky ishte një problem për të, ai tha absolutisht jo, sepse e donte popullin libanez. Mendova “shumë mirë, do të shkojmë mirë”, tha Piro për CNN.
Piro e mori në pyetje Sadamin për shtatë muaj pasi forcat amerikane e kapën atë më 13 dhjetor duke u fshehur në Irakun verior, kur ushtria amerikane pushtoi vendin në mars 2003, duke pretenduar se Bagdadi kishte armë të shkatërrimit në masë, shkatërrimin dhe për të bashkëpunuar me Al Kaedën.
“Saddami më tha se nuk e pëlqente Osama bin Ladenin dhe se nuk besonte në ideologjinë e al-Kaedës sepse donte të krijonte një shtet islamik në të gjithë botën arabe. Ai nuk kishte ndërmend të dorëzonte pushtetin. Ai dinte të bënte shaka me Bin Ladenin, thoshte ‘nuk mund t’i besosh një burri me mjekër të tillë'”, shtoi Piro, i cili po shkruan një libër për bisedat e tij me Sadam Huseinin.
Ai tha se mori miratimin nga Byroja Federale e Hetimeve për të shkruar librin dhe qëllimi i tij është t’u japë lexuesve një përshtypje se si ishte të uleshe në dhomën e marrjes në pyetje me Huseinin.
