TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të paktën 8 persona raportohet se janë dërguar në spitalin e Pejës, pas zjarrit të madh që ndodhi mëngjesin e sotëm në objektin ngjitur me qendrën tregtare, ELKOS.
Kjo është konfirmuar edhe nga Emergjenca e Spitali i Përgjithshëm Pejë.
“Në Spitalin e Përgjithshëm në Pejë deri më tani janë duke u trajtuar tetë pacientë nga rasti i djegies së një objekti në Pejë.
Pacientët janë duke u trajtuar tek Spitali ynë dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi”, thuhet në njoftim.
