TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Lorenc Vangjeli tha në studion e emisionit “Të Paekspozuarit” se kandidati i PS-së për bashkinë e Shkodrës, Benet Beci, premton që të fitojë me një ofertë prej 50 milionë eurosh që do të zbatohen në projekte. Por analisti Enton Abilekaj tha se kjo ofertë është fyerje për Shkodrën, sepse, pasi e gjunjëzuar Shkodrën, qeveria kërkon ta blejë.
Biseda në studio
Vangjeli: Mentaliteti i bastionit, i votës së palëvizshme, është mentalitet i viteve ’90, që duhet përmbysur. Sot është gara më interesante për Shkodrën, sepse në vitin 2015 ka patur një mobilizim të të majtës, kur Rama me Metën donin me çdo kusht ta merrnin, por nuk arritën.
Sot, Rama, i vetmuar, po i qaset Shkodrës me një mënyrë tjetër, i kompleksuar që partia e tij ka 30 vjet që nuk e merr. Po afrohet pa zhurmë, pa bujë. Ka çuar si të deleguar atë që e quajnë në Tiranë “mëkëmbëse”, Elisa Spiropalin, kanë një pune kapilare me një kandidat që vjen nga e djathta dhe mbi të gjitha që është konsideruar administrator i zoti. Oferta e fundit e Ramës është gjithashtu cinike. Ai do të firmoste në tavolinë, përveç Tiranës, humbjen në çdo bashki, me kusht që të merrte Shkodrën. Kanë filluar të rrëfejnë tani që z. Beci po mbërrin në Shkodër me një ofertë prej 50 milionë eurosh, me projekte që do t’i financojë qeveria.
Abilekaj: Qeveria do që ta blejë Shkodrën, pasi e ka gjunjëzuar. Tani do të thotë: po të blej 50 milionë euro. Kjo është fyerje për Shkodrën. Si mendon ti që një qytetar shkodran do të thotë unë po e shes votën time se do na japë 50 milionë euro Edi Rama! Kjo është fyerje.
