TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Tiranës ka vendosur masën e sigurisë “Arrest me Burg”, për shtetasen S. B., e cila hiqej si dietologe e certifikuar dhe mashtronte klientët duke u marrë deri në 300 euro për recetat që ofronte për rënien në peshë.
Prokuroria bëri me dije se ndaj saj janë ngritur akuzat për veprat penale “Mashtrimi”, “Fshehja e të ardhurave”, si dhe “Veprime që pengojnë zbulimin e së vërtetës”.
Sipas policisë, 41-vjeçarja administronte një subjekt në zonën e Brrylit, të cilin nuk e kishte të regjistruar pranë organeve përkatëse dhe fshihte të ardhurat e fituara prej tij.
Gjatë ndërhyrjes nga shërbimet e forcave të rendit, kjo shtetase ka fshirë nga telefoni i saj, bisedat me qytetarët (klientët), me qëllim për të penguar zbulimin e së vërtetës.
Ajo ofronte receta të rreme për qytetarët kundrejt pagesës me qëllim rënien e tyre në peshë.
