TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Hakerat që sulmuan sistemet dixhitale të institucioneve shqiptare, kanë publikuar mbrëmjen e sotme (e diel), listën e zgjedhësve.
Databaza e publikuar në Telegram, përmban emrin, mbiemrin, ditëlindjen, atësinë dhe qendrën e votimit për secilin zgjedhës.
Kujtojmë se listat e zgjedhësve bëhen publike dhe afishohen në qendrat e votimit përpara zgjedhjeve.
Hakerat e kanë shoqëruar postimin me një pyetje ironike për kryeministrin Rama.
"A mendojnë ende politikanët e korruptuar se ne nuk kemi akses në të dhëna sensitive?", shkruhet në mesazhin që shoqëron databazën e publikuar.
Qeveria dhe kryeminstri kanë mohuar që hakerat të kenë marrë informacione sensitive, por publikimet e tyre të vazhdueshme sugjerojnë se ata kanë arritur të marrin informacione mjaft të dëmshme dhe përmasat e sulmit kanë qenë katastrofale. Kujtojmë se ata kanë publikuar emrat e agjentëve të SHISH, udhëtimet e kreut të SHISH dhe emailet e tij, si edhe informacione të shumta të zyrtarëve të lartë dhe dokumenta të administratës.
Hakerat e "Homeland Justice", i lidhin publikimet me faktin se Shqipëria strehon muxhahedinët e MEK në kampin e Manzës, të cilët kryejnë aktivitet për rrëzimin e regjimit në Iran. Ata kanë deklaruar se çdo "organizatë qeveritare dhe jo qeveritare, që mbështet MEK, do të targetohet.
