TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zbardhet fjala e kryebashkiakut Erion Veliaj në seancën në Gjykatën Administrative kundër Ols Dados, për të cilin kërkon pavlefshmërinë e emërimit si prokuror. Veliaj tha se Dado nuk e ka shkollën e Magjistraturës por arreston njerëz.
Erion Veliaj: Nuk jam këtu për mëshirë, apo për dramën e familjes time dhe çka më shkaktoi mua kjo. Dua të flas se çfarë ka shkaktuar për Bashkinë e Tiranës. Unë kam 14 muaj që lexoj letra dhe kur shikoj që njerëz që s’kanë mbaruar magjistraturën arrestojnë njerëz. Jam kallëzuar nga një njeri që nuk ekziston. Pra nuk jam denoncuar nga një person anonim, por nga Nesti Angoni që nuk ekziston.
Hazbi Balliu: Ju lutem fokusohuni tek procesi që jemi sot.
Veliaj: Veç në rastin tim ka një kallëzim fake. Fitova gjyqin për shpifje për një italian dhe doli se ka gënjyer për inceneratorët. Kam frikë se është një kurth ky proces i imi. Kë ka dëmtuar Erion Veliaj, 101 çerdhet që ndërtoi apo pemët apo shkollët?
Hazbi Balliu: Kaloni tek pikat e procesit.
Veliaj: Nesti Angoni të kallëzon dhe regjistrohet çështja pas 7 muajsh dhe jo pas dy javësh siç është afati. Ka diçka që nuk shkon. Është dora e një njeriu që ka marrë porosi. U shty dhe një vit tjetër regjistrimi i emrit Erion Veliaj. Më është bërë një vetting 20-vjeçar i imi. Edhe kur kam qenë i mjafti dhe më thotë në vitin 2004 me kë kam qenë me charter. Mund të kem qenë dhe me Bin Ladenin. Por ku e di unë kush është, aty ka qenë avion turistik.
Një moment i pazakontë është kapur sot para ambienteve të Gjykatës Administrative, ku kryebashkiaku Erion Veliaj shfaqet duke zbritur nga një automjet policie me librin “Fan Noli” të Ilir Konomit në dorë.
Prania e Veliajt në këtë ambient lidhet me një proces tjetër gjyqësor dhe jo me çështjen e tij penale. Pra, ai nuk ndodhet aty si i pandehur në dosjen e vet, por në një kontekst të ndryshëm procedurial ku kërkon largimin nga çështja të prokurorit Dado.
Megjithatë, ajo që bie në sy është zgjedhja e vetëdijshme e librit që mban në dorë. “Fan Noli”, një figurë historike e njohur për mendimin kritik dhe përplasjet politike të kohës së tij, duket se përdoret si një mesazh i tërthortë.
