TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Sali Berisha zbuloi disa detaje në lidhje me protestën e 6 dhjetorit, pikërisht ditën kur në Tiranë vijnë liderët e BE. Ndërkohë që nga ana e policisë është njoftuar se Bulevardi kryesor do të jetë i bllokuar, për Berishën kjo nuk ka rëndësi, pasi siç thotë ai “Bulevardi do të jetë i protestuesve”.
Ish-kryeministri u shpreh se Ramën e ka kapur një tmerr dhe ka frikë se mos protestuesit i futën në kryeministri dhe e damkosin para Evropës.
Ai garantoi se siguria e miqve evropiane nuk vihet në diskutim dhe për këtë janë në dijeni edhe qytetarët që do dalin në protestë.
Pyetje: Si do të futeni në Bulkevard, ndërkohë që ai do jetë i rrethuar nga policia?
Berisha: Bulevardi nuk ka asgjë të përbashkët me zonën e sigurisë. Zona ekziston, por jo aty ku thotë Edi Rama. Është krejtësisht një tmerr i tij, ai ka frikë se mos protestuesit i futen në kryeministri dhe ta damkosin para të gjithë Evropës. Po nuk është detyra ime ta çliroj nga frika atë.
Bulevardi është i protestuesve. Protestuesit kanë parasysh se siguria e miqve nuk mund të vihet në diskutim në asnjë formë.
