TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Eksperti i kriminalistikës, Ervin Karamuço i ftuar në studion “Tirana Live” në ABC News foli edhe në lidhje arrestimin e pesë personave për atentatin ndaj prokurorit Ndoj.
Karamuço tha se dyshohet se kjo nisur për shkak të dëshmive që ka dhënë i penduari i drejtësisë Nuredin Dumani, por edhe falë sistemit Sky, që tashmë është edhe në duart e SPAK.
“Shumë prej mediave kanë dalë në deduksionin se kjo lëvizje ishte për shkak të dëshmive të Nuredin Dumanit. Ajo që duket deri më sot është fakti që nga Franca po vijnë mijëra mesazhe të dekriptuara nga sistemi Sky.
Falë këtij sistemi janë zbardhur edhe shumë ngjarje të tjera, si edhe kjo ngjarje besoj.
SPAK ka nisur të lëvizë pikërisht pasi ka patur në duar këtë sistem, që është në duart e shumë organeve ligjzbatuese europiane,” tha ndër të tjera Karamuço.
