TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arbër Hajdari ka reaguar pas mesazheve të shumta që ka marrë lidhur me thashethemet që qarkullojnë për një përfshirje të mundshme të tij në historinë e Erion Veliajt.
Përmes një reagimi në rrjetet sociale, Hajdari shprehet i habitur nga këto pretendime, duke mohuar çdo lidhje me çështjen që e cilëson si një histori penale-politike.
Ai thekson se nuk është i papunë dhe se nuk ka pasur asnjëherë dëshirë të punësohet nga kryebashkiaku i Tiranës, Erion Veliaj.
Hajdari ka ironizuar gjithashtu thashethemet, duke theksuar se fundjavat e tij vijojnë t’ua kushtojë njerëzve në nevojë, ndërsa ditët e javës mbeten të lidhura me angazhimet politike.
Postimi i plote:
Më mbytën mesazhet për thashethemet e Erion Veliajt. Jam pa fjalë dhe nuk e kuptoj pse paskam rënë unë këtë herë në çorbën e fantazive të zotërisë!
Unë nuk kam lidhje me këtë histori penale-politike dhe as jam i papunë, as kam ëndërruar ndonjëherë të më punësojë, larg qoftë, Lali Eri!
Fundjava ime mbetet gjithnjë ndryshe, mes njerëzve në nevojë. E gjithë java e politikës po njësoj, mes llafeve të kota.
Pa merak miq, unë jam Arbëri i fundjavës.
