TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus ka thënë se teksa numri i rasteve të prekura me koronavirus është duke rënë në Evropën Perëndimore, e kundërta është duke ndodhur në Europën Lindore, në Afrikë, Azinë Juglindore, Lindjen e Mesme dhe Amerikë.
Ai po ashtu ka paralajmëruar qeveritë që të menaxhojnë me kujdes vendimet për lehtësim të masave të izolimit, pasi “rreziku i kthimit të virusit është shumë real”.
Ghebreyesus ka përmendur gjashtë kushte para lehtësimit të masave të izolimit;
- Numri i rasteve duhet të jetë në rënie, por vëzhgimi i të infektuarve duhet të jetë i lartë;
- Sistemet shëndetësore duhet të jene të gatshme të testojnë, trajtojnë dhe izolojnë të infektuarit;
- Në spitale dhe shtëpi kujdesi duhet të ketë shpërthime minimale;
- Masat mbrojtëse duhet zbatuar në vende të punës dhe shkolla;
- Numri i rasteve të importuara duhet të jetë i menaxhueshëm;
- Komuniteti duhet të veprojnë në përputhje me “normalen e re”.
Sipas të dhënave të Universitetit Johns Hopkins, në gjithë botën janë: 3,685,129 njerëz të infektuar, 258,051 të vdekur dhe 1,208,139 të shëruar nga ky virus.
