"Nuk mund të censurojmë të shkuarën", Johnson reagon pas vandālizimit të statujës së Churchill nga protestuesit

Kryeministri britanik, Boris Johnson, ka reaguar pasi protestuesit e "Black Lives Matter", vāndalizuan disa statuja, mes të cilave atë të Winston Churchill, duke e akuzuar atë si një rācist. Johnson tha se ishte e turpshme që autoritetet janë detyruar ta mbulojnë statujën, për ta mbrojtur nga protestuesit.

Kryeministri u shpreh se Winston Churchill, ka bërë disa komente të cilat në ditët e sotme janë "të papranueshme", por se ai mbetet një hero kombëtar që e shpëtoi vendin nga "fashizmi dhe tirania e rācizmit".

Protestusit kishin shkruar me bojë të zezë fjalën "rācist" mbi statujën e Churchill. Kryeministri Johnson tha gjithashtu, se ne nuk mund të "ndryshojmë apo çensurojmë të shkuarën tonë". Autoritetet në Mbretërinë e Bashkuar, kanë marrë masa të rrepta përpara zhvillimit të një tjetër proteste të "Black Lives Matter" në kryeqytetin britanik, Londër. Disa statuja janë mbyllur me materiale të forta, për të evituar shkatërrimin e tyre. Kryebashkiaku i Londrës, Sadiq Khan, u shpreh se mes statujave të mbuluara, do të jetë edhe ajo e Nelson Mandelas. Kujtojmë se një javë më parë, protestuesit hodhën në një lum në Bristol, statujën e Edward Colston, një tregëtar skllēvërish. Demostrata të shumta janë organizuar në mbarë botën, pas vrāsjes së Geroge Floyd në SHBA, çka ka rikthyer protestat e "Black Lives Matter". /TPZ.al/