TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan, Donald Trump, ka emëruar Stephen Millerin, një nga arkitektët kryesorë të politikës së tij të ashpër kundër emigracionit, në postin e shefit të ri të kabinetit të Shtëpisë së Bardhë.
Miller, i cili aktualisht mban detyrën e zëvendësshefit të kabinetit, do të marrë zyrtarisht detyrën të hënën, duke zëvendësuar Susie Wiles, e cila do të kalojë në strukturën politike të presidentit.
Ky ndryshim në administratën amerikane vjen vetëm pak ditë pas humbjes së thellë të republikanëve në zgjedhjet e mesmandatit të së martës.
Trump e cilësoi Millerin si një nga këshilltarët e tij më të besuar, ndërsa vlerësoi kontributin e Wiles në drejtimin e stafit presidencial.
Sipas “CBS News”, e cila citon një burim brenda administratës, Wiles kishte paraqitur dorëheqjen të enjten në mbrëmje.
Megjithatë, presidenti nuk bëri të ditur se çfarë detyre do të marrë ajo në strukturën e tij të re politike.
Miller, 41 vjeç, është një nga bashkëpunëtorët e paktë të Trumpit që ka shërbyer në të dy mandatet e tij presidenciale.
Ai ka luajtur një rol kyç në hartimin e politikave kundër emigracionit, përfshirë fushatën e dëbimeve masive dhe përpjekjet për t’i dhënë fund shtetësisë automatike për personat e lindur në territorin amerikan.
Ai ishte gjithashtu një nga figurat kryesore që ndihmuan në përgatitjen e rikthimit të Trumpit në Shtëpinë e Bardhë.
Ndërkohë, demokratët shënuan fitore të thellë në zgjedhjet e së martës, duke marrë kontrollin e të dy dhomave të Kongresit. Ky rezultat u jep atyre mundësinë të pengojnë agjendën legjislative të presidentit dhe të nisin hetime ndaj administratës së tij.
