TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në lidhje direkte me A-Show me gazetarin Adi Krasta në Syri Tv, Sekretarja e Përgjithshme e Këshillit Rajonal të Bashkëpunimit, Majlinda Bregu, ka komentuar fillimisht takimin e shumëpërfokur online Rama-Vuçiç-Zaev.
‘Takimi Rama-Zaev-Vuçiç ishte për të diskutuar mbi disa marrëveshje të përbashkëta në kuadër të Minishengenit.
Në takim palët firmosën një dokument i cili quhet tregu i përbashkët. Minishengeni nuk ka lidhje me ish-Jugosllavinë.
Askush nuk ka mohuar se ka probleme bilaterale në rajon ndërmjet vendeve të ndryshme.
Bashkëpunimi rajonal është një proces i domosdoshëm për qytetarët, jo për liderët.’
Bregu foli edhe për dialogun Kosovë-Serbi.
‘Dialogu Kosovë- Serbi duhet të vazhdojë dhe i takon këtyre dy shteteve.
Samiti i Berlinit ka firmosur një dokument nga të 6 liderët e rajonit.’
Bregu komentoi edhe procesin e zgjerimit dhe shanset që ka Shqipëria për të marrë një Po.
‘Procesi i zgjerimit ka hyrë i gjithi në një krizë.
Askush nga vendet nuk i plotëson kushtet dhe kriteret.’
Bregu foli edhe për debatin e brendshëm që ka shpërthyer në Shqipëri lidhur mbi kasetën e masakrës së Krushës së Madhe, ku maxhoranca akuzon për fshehje kreun e PD-së, Lulzim Basha.
‘Kaseta e Krushës së Madhe, më duket sikur të dyja palët që janë në konflikt po përsërisin të njëjtën histori.
Shqipëria ka humbur shanse të herëpashershme për integrimin evropian.’
Ndërkohë që Bregu e ka cilësuar Reformën në drejtësi si një nga reformat më të vështira, të cilës i largohen edhe vendet më demokratike’.
