TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka ndërruar jetë arkitekti dhe piktori i njohur, Maks Velo, në moshën 84 vjeçare.
Mësohet se ai ka qenë i shtruar në QSUT, prej disa ditësh, pasi vuante nga anemia.
Velo lindi në vitin 1935 në Paris të Francës dhe më pas familja e tij u rikthye në Shqipëri.
Ai përfundoi studimet në Universitetin Politeknik të Tiranës në vitin 1957.
Në vitin 1978, Maks Velo u burgos për tetë vite nga regjimi komunist, për shkak të "tendencave moderniste".
Maks Velo është një arkitekt mjaft i njohur në vend dhe autor i një sërë botimesh si: "Kokëqethja", "Palltoja e burgut", "Thesi i burgut", "Paralele për arkitekturën", "Kohë antishenjë", "Jeta ime në figura " etj.
Velo ka qenë publicist dhe mjaft i angazhuar me çështje të aktualitet shqiptar dhe një kritik i zëshëm për çështje me interes për opinionin publik.
Së fundmi ai ishte shprehur kundër shembjes së godinës së Teatrit Kombëtar.
/TPZ.al/
