TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rozana Radi ka shtjelluar në rrjete sociale një temë aktuale, që ka nxitur frikë dhe mosbesim tek shqiptarët, epidemia e Coronavirusit. E shqetësuar për faktin se në Shqipëri ka një mungesë profesionalizmi, dhe mungon pothuajse fare kontrolli në portin e Durrësit, Rozana Radi ngren pyetjen thelbësore: A jemi të përgatitur për të përballuar një epidemi të këtyre përmasve?
Gjithashtu këngëtarja dhe moderatorja Radi shton se mungojnë maskat e specializuara për t’u mbrojtur nga ky virus vdekjeprurës.
“Nuk është vetëm aeroporti i Tiranës! Janë të gjitha pikat kufitare ku duhet të shtohet kontrolli shëndetësor. Është porti i Durrësit ku udhëtarët konfirmojnë që nuk ka kontrolle të rrepta për këtë epidemi. Pyetja është: A jemi të përgatitur për të përballuar një epidemi të këtyre përmasave?”- shkruan Rozana Radi në profilin e saj në rrjete sociale.
Ndërsa bashkëngjitur këtij postimi, këngëtarja shton më tej: “Kërkova një maskë më të perfeksionuar se ajo që mund të vemë për një grip të thjeshtë por nuk e gjeta!
Kush mund të më japë një info më të detajuar se a i kemi ne aksesorët që përdoren në raste të tilla virusesh ? (Nuk flas për maska letre këtu )”.
Situata me koronavirusin është kthyer në alarm edhe në Shqipëri. Vdekja e 6 personave dhe infektimi i mbi 220 të tjerëve në Itali ka ngjallur frikë në vendin tonë, ku janë forcuar kontrollet në të gjitha pikat e kalimit kufitar. Ministrja dhe qeveria kanë siguruar qytetarët se nuk ka vend për panik, ndërkohë që shkolla “Udha e Shkronjave” u mbyll vetë mbrëmjen e djeshme në Tiranë.
