TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është shtyrë seanca për caktimin e masës së sigurisë për Leli Kajën, administratorin e inceneratorit të Elbasanit.
Në seancë nuk u paraqit asnjë avokat, përfshirë edhe ata kryesisht të thirrur nga gjykata. Për ta u vendos gjobë nga 60 mijë lekë. Dita e premte, ora 09:00 është afati i fundit për masën e sigurisë ose në të kundërt, Kaja lirohet.
Në seancë me gjyqtar Bib Ndrecën, Kaja, i cili u arrestua më 5 tetor nën akuzën e korrupsionit pasiv, ishte i pranishëm. Ai ka deklaruar se kërkon mbrohet nga avokati pavarësisht se është dhe vetë jurist.
Leli Kaja u arrestua nga agjentët e BKH-së në flagrancë pasi dyshohet se ka kërkuar dhe marrë nga administratori i një operatori ekonomik shumën prej 400.000 (katërqind mijë) lekësh, në formën e përfitimit të paligjshëm, në këmbim të moskryerjes së detyrave që i ngarkon ligji si administrator i shoqërisë “ECO-ELB” sh.a.
Gjatë kontrollit personal Leli Kajës iu gjet dhe iu sekuestrua shuma e parave.
