BOTA, 24 Mars 2023, 09:28

Francë, protestuesit i vendosën flakën bashkisë së Bordosë, 1 milion njerëz dalin në rrugë

Francë, protestuesit i vendosën flakën bashkisë së

Bashkisë së Bordosë iu është vënë flaka gjatë protestave në Francë kundër planit të qeverisë për rritjen e moshës së daljes në pension.

Më shumë se 1 milion njerëz dolën në rrugë në të gjithë Francën të enjten, ndërsa 119.000 protestues ishin vetëm në Paris, sipas shifrave nga ministria e brendshme.

Policia hodhi gaz lotsjellës ndaj protestuesve në kryeqytet dhe 80 persona u arrestuan në të gjithë vendin.

Demonstratat u nxitën nga legjislacioni që rrit moshën e pensionit me dy vite, nga 62 në 64.

Sindikatat kanë bërë thirrje për protesta të mëtejshme të martën e ardhshme, e cila përkon me vizitën shtetërore të mbretit Charles III në Francë.

Mbreti Charles ka planifikuar të udhëtojë drejt qytetit të Bordosë të martën. Ndërsa dera e bashkisë që qytetit u përfshi nga flakët gjatë protestave të së enjtes. Nuk është janë identifikuar ende autorët që vendosën zjarrin.

“Siguria nuk është problem dhe monarku do të mirëpritet”, tha Ministri i Brendshëm Gérald Darmanin.

Në Paris, pati përleshje të herëpashershme midis policisë dhe protestuesve, të cilët thyen xhamat e dyqaneve dhe sulmuan një restorant, sipas agjencisë së lajmeve Reuters.

“Të demonstrosh është një e drejtë. Dhuna dhe degradimi që kemi dëshmuar sot janë të papranueshme. Gjithë mirënjohja ime për policinë”, shkroi në Twitter kryeministrja e Francës, Élisabeth Borne.