BOTA, 5 Tetor 2022, 22:53

Donte të takonte Papën, turisti thyen skulpturat në Vatikan

Donte të takonte Papën, turisti thyen skulpturat në Vatikan

Policia e Romës ndaloi një 50-vjeçar amerikan me origjinë egjiptiane, i cili hodhi në tokë dhe dëmtoi dy skulptura brenda Muzeut të Vatikanit.

Bëhet fjalë për dy buste antike të vendosura në dy rafte brenda Galerisë Chiaramonti.

Turisti është dërguar në polici për t’u marrë në pyetje. Ndërsa dy bustet u dërguan në laboratorët e Vatikanit për t’iu nënshtruar restaurimit.

Mediat italiane raportojnë se turisti, dukshëm i shqetësuar, tha se donte të fliste me Papën.

Pasi u përpoq të arratisej, ai u bllokua nga xhandarmëria e Vatikanit, ndërsa Inspektorati i Vatikanit ndërhyri më vonë.