BLOG, 22 Nëntor 2021, 10:04

Kryeqytetin e vendit, Tiranën e kanë futur në kolaps total

Kryeqytetin e vendit, Tiranën e kanë futur në kolaps total

Nga Bujar Nishani/

Torturë dhe poshtërim më të madh se sa mund t’i bëhet mbi një milion banorëve për interesat e babëzisë së korrupsionit nuk mund të kishte.

Asgjesimi i një qyteti nisur që prej vitit 2000 e shkatërruar përditë, papushim me moton ; “pas meje le të bëhet qameti”, sot po jua nxin jetën qytetarëve, çdo ditë, çdo orë, çdo minutë e çdo sekondë që cilido guxon të dalë nga shtëpia për punë, për hall a për nevojë.

Interesat e pista të një grupi pushtetarësh dhe tutorëve të tyre, janë kthyer në ankthin, stresin, sëmundjet, pisllëkun, kolapsin e një popullate të tërë, që jeton në këtë qytet, apo të tjerëve që e aksesojnë atë çdo ditë për bisnes, arsim, shëndetësi.

Një grup të korruptuarish e korruptorësh që nuk kanë kurrfarë parimi, morali apo aftësie, kanë kapur për fyti shtetin, drejtësinë e opozitën për të dhunuar lehtësisht, pa kurrfarë pengese e frike qytetarin !

Të nxisim e të kërkojmë ringritjen e betejës së opozitës, rikthimin e vetë opozitës së vërtetë si mjet, për të rikthyer fuqinë e qytetarëve.

Kryeqytetin e vendit, Tiranën e kanë futur në kolaps total