BALLKAN, 7 Dhjetor 2023, 16:16

VIDEO/ U gjet e vrarë, dalin pamjet nga rrëmbimit i 14-vjeçares në Maqedoninë e Veriut

VIDEO/ U gjet e vrarë, dalin pamjet nga rrëmbimit i 14-vjeçares

Dalin pamjet nga rrëmbimi i 14-vjeçares në Maqedoninë e Veriut, e cila më pas u vra. Portali Portaliks ka siguruar një video nga kamerat e vëzhgimit ku shihen automjetet në të cilat është transportuar 14-vjeçarja Vanja Gorçevska (Gjorçevska).

Siç thuhet, videot tregojnë se kur dhe si ka ardhur vajza në fshatin Brazdë, si dhe kohën e saktë se kur i është djegur automjeti. Një makinë kalon në këtë rrugë të frekuentuar rreth orës 07:55, ndërsa automjetit i është djegur rreth orës 09:37.

Makina është filmuar duke nxituar drejt fshatit Brazdë, në momentin kur ka qenë në Vizbegovë, e cila është rreth 15 minuta larg vendit ku është gjetur trupi i Vanjës. Nuk dihet nëse në automjet ndodheshin Vanja e rrëmbyer, Ljupçe apo ndonjë nga të dyshuarit tjerë.

Në video shihet se në “Citroen” ka qenë një shofer dhe një pasagjer, të veshur me kapele të zeza, por edhe se pjesa e pasme e veturës duket bosh, edhe pse shihet diçka që të kujton një çantë të bardhë. Kamera, e cila është vendosur në një pronë private, tregon Renault Kango duke kaluar i pari dhe më pas Citroen i vjedhur.