TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadorja e re e Bashkimit Evropian në Shqipëri, Sofia Moreira de Sousa, i paraqiti sot letrat kredenciale Presidentit Bajram Begaj, duke nisur zyrtarisht detyrën si Shefe e Delegacionit të BE-së në Tiranë.
Diplomatja portugeze do të përfaqësojë Bashkimin Evropian në Shqipëri dhe do të drejtojë Delegacionin e BE-së gjatë katër viteve të ardhshme.
Pas ceremonisë, Moreira de Sousa tha se procesi i integrimit të Shqipërisë ka hyrë në një fazë vendimtare.
“Është nder të jem këtu. Rruga e Shqipërisë drejt BE-së ka arritur në një fazë vendimtare, me të gjitha grup-kapitujt të hapur dhe tre kapitujt e parë tashmë të mbyllur. Por anëtarësimi nuk ka të bëjë vetëm me grup-kapituj dhe kapituj. Ai ka të bëjë me përmirësimin e jetës së qytetarëve. Së bashku me ekipin tim, pres me padurim të punoj ngushtë me autoritetet shqiptare dhe me të gjithë partnerët, në koordinim me Shtetet Anëtare të BE-së, për çuar Shqipërinë në Bashkimin Evropian dhe për të ndërtuar të ardhmen tonë të përbashkët.”, u shpreh ajo.
Sofia Moreira de Sousa është shtetase portugeze dhe ka një përvojë të gjerë në politikën e jashtme dhe të sigurisë në nivel evropian dhe ndërkombëtar.
