TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në një deklarata për shtyp nënkryetari i Partisë së Lirisë, Endrit Braimllari ka komentuar Raportin e Bankës Botërore (BB).
Sipas këtij raporti thuhet në deklaratën për shtyp të PL-së, fatkeqësia më e madhe e shqiptarëve është qeveria e drejtuar nga rilindja.
Deklarata e plotë:
Raporti i Bankës Botërore tregon që Shqipëria rrezikon nga PPP-të (Partneritetit Publik Privat), fatkeqësitë natyrore dhe keqmenaxhimi i ndërmarrjeve shtetërore.
Sipas Raportit të Bankës Botërore, fatkeqësia më e madhe e shqiptarëve është qeveria e drejtuar nga rilindja.
Korrupsioni në rritje, çmimet e larta, keqmenaxhimi i institucioneve shtetërore, mos respektimi i ligjit të prokurimeve publike rëndojnë drejtpërdrejtë mbi qytetarët dhe ekonominë.
Keqmenaxhimi si ujësjellës kanalizimet, Koorporata Elektroenergjetike Shqiptare, Operatori i Sistemit të Shpërndarjes së Energjisë janë sot shembulli i abuzimit dhe keqmenaxhimit në funksion të korrupsionit. Rasti më i qartë i koncesioneve korruptive është procedura e inceneratorëve e cila ka rënduar drejtpërdrejtë mbi ekonominë e familjeve shqiptare. Shembulli më tipik është inceneratori i Tiranës edhe nën sekuestro nga SPAK vijon të vjedhë paratë e qytetarëve të Tiranës me firmën e drejtpërdrejtë të Erion Velisë. Erion Veliaj ia heq 4.3 milionë euro arsimit dhe i transferon tek inceneratori i Tiranës.
Një tjetër institucion i korruptuar që del në raportin e Bankës Botërore dhe që drejtohet nga Erion Veliaj është ndërmarrja e Ujësjellës Kanalizime Tiranë, e cila është kthyer në një gropë të errët korrupsioni, të emërimeve fiktive, të tendera korruptivë, ku vetë drejtorë të Bashkisë së Tiranës përfitojnë nga këto procedura.
Ujësjellës Kanalizime i Tiranës dhe me rritjen e çmimit të ujit nga Erion Veliaj nuk ka arritur të jetë një ndërrmarje rentabël dhe të përmirësojë shërbimin.
Nuk kryen funksionin e saj primar, furnizimin dhe rritjen e cilësisë së ujit por merret me tendera korruptivë që shkojnë në funksion personal të Erion Velisë.
I bëjmë thirrje SPAK që të veprojë mbi këto institucione që drejtohen nga Erion Veliaj, të ndalë korrupsionin në Bashkinë e Tiranës, e cila është kthyer në një skenë krimi që po rëndon çdo ditë mbi xhepat e qytetarëve të saj.
