AKTUALITET, 20 Korrik 2022, 14:36

“Pasuri e përbashkët e Shqipërisë dhe Italisë”- Meta: Gjuha dhe kultura arbëreshe të bëhen sa më parë pjesë e UNESCO-s

“Pasuri e përbashkët e Shqipërisë dhe

Presidenti Ilir Meta ka marrë nga arbëreshi Agostino Chiaffitella një fjalorth të titulluar “Rrënjët e Mia” me fjalë Arbëreshe të përkthyera në gjuhën shqipe dhe italiane.

Meta shprehet se gjuha, traditat, kultura dhe ritet fetare Arbëreshe, meritojnë sa më parë të bëhen pjesë e UNESCO.

“Më emocionoi dhurata shumë e veçantë, që mora nga arbëreshi Agostino Chiaffitella, fjalorthi “Rrënjët e Mia” me fjalë Arbëreshe të përkthyera mjeshtërisht në gjuhën shqipe dhe italiane. Mirënjohës për këtë botim shumë të veçantë, për të cilin ka punuar me shumë impenjim dhe dashuri, që na njeh me gjuhën e përdorur në “Motin e Madh” të Gjergj Kastrioti Skënderbeut dhe që aq besnikërisht ruhet ende e gjallë nga arbëreshët tanë të dashur.

Gjuha, traditat, kultura dhe ritet fetare Arbëreshe, pasuri e përbashkët e Shqipërisë dhe Italisë mike, meritojnë sa më parë të bëhen pjesë e UNESCO. Ruajta, promovimi dhe zhvillimi i kësaj trashëgimie të vyer do të jetë edhe një nga angazhimet e mia kryesore në të ardhmen, në bashkëpunim me autoritetet qendrore dhe vendore italiane”, tha Meta.