TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mustafa Nano gjatë një interviste për Ylli Rakipin në emisionin “Të Paekspozuarit” në MCN TV, ka bërë një rrëfim për disa nga momentet e rëndësishme të jetës së tij.
Nano foli për përmbysjen e diktaturës dhe faktin se ai u bë kryetar i Partisë Demokratike për Skraparin dhe si u largua nga kjo parti. Ai rrëfeu disa detaje nga një takim me Sali Berishën dhe tregoi arsyen e vetme për të cilët e ka zili doktorin!
Nano gjithashtu tha se kujton nga bisedat me Berishën, që ky i fundit e kishte "fiksim" Edi Ramën që atëherë.
Pjesë nga biseda:
Ylli Rakipi: Në fillimin e pluralizmit, ju u bashkuat me Partinë Demokratike. Përse?
Mustafa Nano: Këtë foton me Berishën e kam publikuar unë dhe kam bërë gabim që e kam publikuar. Është viti 1991. Berisha vjen në Skrapar, unë isha kryetar i partisë atje. Në zgjedhjet e para, kam kandiduar kundër Ilir Metës, sepse ishte sistem mazhoritar atje.
Ylli Rakipi: Dhe të mundi ai, sepse fituan ata atje, apo jo?
Mustafa Nano: Sigurisht. Ky me Berishën është takim i shtatorit 1991. Ka qenë hera e parë, që kam patur rast të rrija disa orë me Berishën, madje fjeti dhe në drekë atje. Kemi folur.
Ylli Rakipi: Çfarë kuptove atje o Muçi? Apo entuziasmin që kishte ai atëherë?
Mustafa Nano: Nuk mjaftonin dy orë. Nuk është se tani nuk ja fal vetes që nuk e kam njohur ato dy orë. Por mbaj mend, që më tregonte atë historinë e takimit me Ramiz Alinë dhe heroizimin e vet, që i kishte thënë Ramiz Alisë “never say never”. Pastaj më tregonte historinë e themelimit të PD. Kam të fiksuar, që ky kishte të fiksuar Edi Ramën në kokë, që atëherë.
Ylli Rakipi: Në fakt ai e tregon që erdhi si një njeri me një palë këpucë të zgjidhura si ushtarake…
Mustafa Nano: Si duket e ka munduar një lloj regjistri anti-komunist që Edi Rama e kishte më të avancuar se ky. Ky e vuante këtë gjë. Më tha, më tregoi historinë kur erdhi Edi Rama për herë të parë në Shqipëri, erdhi me vonesë, aty erdhi edhe me anti-komunizmin e vet të ekzagjëruar dhe Gramoz Pashko i tha, “Nëse ke ardhur për këtë punë, në lër rehat!”. E vija re që i shkonte mendja te Edi Rama.
E kam zili për një gjë Saliun, është shqptari i parë, që pas 50 vitesh, në një shesh publik me mikrofon në dorë, para mijëra njerëzve, ka thënë i pari “Zonja dhe Zotërinj!’. Ishte frazë e harruar, kam dashur unë të jem i pari ta them. Për gjëra të tjera nuk e kam zili.
I njoh edhe një alibi për të gjithë prapësitë që ka bërë. Duke qenë komunist për 45 vjet, i është dashur të demonstronte që konvertimi i tij në anti-komunist ishte i sinqertë. Në këtë përpjekje e sipër ai ka bërë marrëzira sa të duash.
Ylli Rakipi: Si u shkëpute nga Partia Demokratike? Më kujtohet që ne bashkë takoheshim shpesh te klubi i Fidelit. Duket kishte ndodhur ajo ndarja.
Mustafa Nano: Kjo ka qenë në 98’ që jemi takuar sepse më parë nuk kam qenë këtu. Kur ika në Itali isha kryetar i PD-së së Skraparit. Ne erdhëm në pushtet dhe unë mund të bëja ndonjë përpjekja, mund të vija në Tiranë. Por, doja të kisha një eksperiencë me perëndimin. Kam shkuar i kam kërkuar në 1992 Eduard Selamit një vizë. Kisha kërshëri për të njohur perëndimin.
Ylli Rakipi: Nuk mendoje se po vinte një fitore? Njeriut nuk mund ti shkojë mendja për të ikur por ai gozhdohet këtu…
Mustafa Nano: Nuk e di nëse po më sheh si budalla… Bëra një gjest dhe nuk mendoja asgjë tjetër. Doja ta prekja perëndimin, siç prek robi një goc që e lakmon prej kohësh. Nuk ndenja shumë sepse pata një përvojë të keqe, nuk më eci emigracioni. Por, gjatë kohës që isha atje u arrestua Fatos Nano.
Lajmin e arrestimit e mora vesh sepse fola me dikë në Shqipëri. Aty jam tronditur. Isha akoma demokrat në atë periudhë. Ky ka qenë momenti që kam thënë, prit tani se kjo është një mbrapshti…
