AKTUALITET, 23 Shkurt 2024, 12:43

Me maskë dhe e rrethuar nga policët, studentja rikthehet në vendin ku vrau të atin (VIDEO)

Me maskë dhe e rrethuar nga policët, studentja rikthehet në

Me maskë në fytyrë e rrethuar nga policë, pas dëshmisë 19-vjeçarja Hygerta Meta u rikthye në vendin ku vrau të atin në Shënvlash të Durrësit.

19-vjeçarja Hygerta Meta, e cila vrau të atin  është studente e Fakultetit Ekonomik në Tiranë.

Dyshohet se ajo e ka ekzekutuar me pistoletë dhe më pas e ka varrosur në kasollen e bagëtive, pasi ai donte ta fejonte pa dëshirën e saj.

Janë ende të paqarta detajet se si ka ndodhur dinamika e ngjarjes dhe nëse ajo është ndihmuar nga nëna dhe vëllezërit e saj, të cilët janë vënë nën hetim dhe po merren në pyetje në polici.

Policët janë ende në kërkim të armës, të cilën nuk dihet ende se ku e ka hedhur e reja.

Dyshohet se viktima ishte një person autoritar dhe i rreptë në familje, edhe pse fqinjët e përshkruajnë të qetë dhe pozitiv.

Pas 10 ditësh hetime është gjetur trupi i pajetë i 50-vjeçarit Pëllumb Meta, ndwrsa wshtw arrestuar 19-vjeçarja, e dyshuar si autore e vrasjes.

Më datë 13 shkurt rreth orës 22:30, 25-vjeçari H.M nga fshati Shënavlash Durrës, ka denoncuar në polici se babi i tij është larguar nga banesa dhe kanë humbur kontaktet me të. Në datën 17 shkurt është bërë e mundur gjetja e automjetit të 49-vjeçarit, të parkuar në aksin rrugor Shënavlash-Sektor Rinia.

Nga hetimet, u zbulua se Pëllumb Meta nuk ishte zhdukur, por ishte vrarë në banesën e tij. vajza e tij 19-vjeçare Hygerta Meta, ka deklaruar se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur.

Grupi i posaçëm hetimor po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje. Trupi i tij është zhvarrosur dhe është transortuar në Institutin e Mjekësisë Ligjore, për kryerjen e ekspertizës së mëtejshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.