TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përmes një statusi në rrjetet sociale, kryetari i Partisë së Lirisë, Ilir Meta, njoftoi hapjen e garës për 7 sekretarë të rinj. Sipas njoftimit, brenda 3 javëve, gjithkush brenda dhe jashtë strukturave të partisë është i ftuar që të aplikojë për vendet e reja, në kuadër të fuqizimit të disa prej prioriteteve, siç janë diaspora, gruaja, pensionet, sipërmarrja, arti apo sportet.
Njoftimi i Metës
Në kuadër të riorganizimit të Partisë së Lirisë dhe fuqizimit të disa prej prioriteteve tona ftoj cilindo anëtar të Komitetit Drejtues Kombëtar, por edhe ekspert apo njohës i çështjeve specifike të aplikojë për:
1.Sekretar i Partisë së Lirisë për Diasporën.
2.Sekretar i Partisë së Lirisë për Familjen dhe Kundër Shpopullimit.
3.Sekretar i Partisë së Lirisë për Çështjen e Pensioneve.
4.Sekretare e Partisë së Lirisë për Fuqizimin e Gruas.
5.Sekretar i Partisë së Lirisë për Marrëdhëniet me Sipërmarrjen.
6.Sekretar i Partisë së Lirisë për Artin dhe Trashëgiminë Kulturore.
7.Sekretar i Partisë së Lirisë për Sportet.
Ju lutem të interesuarve t’i paraqesin kërkesat e tyre, deri në datën 10 mars 2024 në adresën zyrtare të Partisë së Lirisë: [email protected].
