TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident i ka marrë jetën një 29-vjeçari shqiptar në Itali.
Viktima është identifikuar si Klajdi Tahiri me origjinë nga Elbasani.
I riu raportohet se po udhëtonte me makinë mëngjesin e së enjtes drejt Veronës kur është përplasur me një kamion.
Dyshohet se pas një parakalimi të gabuar, mjeti ku udhëtonte Klajdi Tahiri ka dalë në korsinë e kundërt duke u përplasur me një kamion.
Raportohet se shoferi i kamionit, një 45-vjeçar me origjinë rumune, bëri gjithçka për të shmangur përplasjen duke devijuar djathtas por pa sukses. Makina ku udhëtonte 29-vjeçari u kthye në një grumbull hekurishtesh pas përplasjes fatale.
I riu u shpall i vdekur në vendngjarje dhe trupi i tij i pajetë u dërgua në morg.
Me origjinë nga Elbasani, viktima kishte jetuar në Villanuova sul Clisi së bashku me familjen e tij. Ai kishte studiuar në Cfp Zanardelli dhe punonte në sektorin e ndërtimit.
