TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analistët Andi Bushati dhe Preç Zogaj, kanë debatuar në emisionin "Të Paekspozuarit" në MNCN TV, për Amerikën dhe veprat e saj në botë.
Sipas Bushatit, nuk mund të flasim më për një Amerikë të vlerave por për një vend që prodhon luftë, ndërsa Zogaj thotë se SHBA mbetet vendi i lirisë duke ua faturoi gabimet, presidentëve të caktuar.
Andi Bushati: Sjellja e Amerikës, që i shkoi mbrapa karrocës së Netanyahut dhe sjellja e Amerikës në Gaza, në botën tonë të vogël, a duhet të shtrohej një pyetje, a duhet të rendim pas kësaj propagandës debile të Amerikës së vlerave? Ne dëgjojmë se ç’thotë Amerika? A mund të flitet sot për një Amerikë të vlerave? Një Amerikë që prodhon për gjysmë shekulli, administrata që sillen ashtu në Lindjen e Mesme, një herë sulmon kot Irakut, pastaj Iranin, pastaj pranon genocid në Gaza, ç’kuptim ka? Patjetër ka njerëz me vlera në Amerikë, por Amerika e vlerave ka vdekur. Ka Amerikë të interesave.
Preç Zogaj: Forca amerikane na ka dhënë çlirimin e Kosovës.
Andi Bushati: Na e ka dhënë dhe mund të kemi qenë në anën e kombeve me fat, por nëse Amerika do të kishte këtë parim, mund ta bënte edhe për kurdët. Edhe në rastin e Kosovës nuk mund të flasim kaq kollaj për Amerikë të vlerave, por është e interesave që në një moment merr një vendim të caktuar.
Preç Zogaj: Shtypeshin të drejtat e një populli.
Andi Bushati: Atyre në Gaza u merret jeta. Edhe atyre kurdëve u shkelen të drejtat. Unë mendoj, këtu në Shqipëri kemi një lloj fanatizmi, “e ka thënë Amerika e vlerave”. Amerika e sotme, është Amerika e anti-vlerave, që po e çon botën drejt një lufte botërore.
Preç Zogaj: Ne bëjmë kritikë dhe kemi bërë nja 5 emisione, pasi nuk kemi gjetur arsye te kjo luftë. Rasti konkret është ky qëndrim por nuk mund ta përgjithësojmë pasi ka fakte që kundërshtojnë njëra tjetrën pafund. Amerika ngelet e vlerave, për lirinë.
Andi Bushati: I vetmi shtet që ka shfarosur një popullsi me bombë atomike.
Preç Zogaj: Ngaqë ka liri rrëzojnë Presidentët. Në vende ku nuk ka zgjedhje, nuk e paguan njeri haraçin.
