TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Legjenda e muzikës country, Dolly Parton, është ndarë nga jeta në moshën 80-vjeçare. Lajmi është konfirmuar nga familjarët e saj përmes një videoje të publikuar në rrjetet sociale.
Parton kishte një karrierë të jashtëzakonshme që zgjati më shumë se gjashtë dekada dhe u shndërrua në një prej figurave më të dashura dhe më të njohura të muzikës në mbarë botën. Ajo u bë e famshme me hite si “Jolene”, “9 to 5” dhe “I Will Always Love You”, ndërsa ishte gjithashtu aktore, producente dhe filantrope.
Vdekja e saj vjen vetëm pak ditë pasi këngëtarja kishte folur publikisht për gjendjen e saj shëndetësore. Në një intervistë të fundit, Parton tha se po kalonte “kohë të vështira” me shëndetin dhe se ishte ende në fazën e rikuperimit. Ajo kishte përmendur gjithashtu episode marramendjeje dhe dehidratimi, të cilat e detyruan të anulonte disa dalje publike.
Parton, e cila humbi bashkëshortin e saj, Carl Dean, në mars të vitit 2025 pas afro 60 vitesh martesë, kishte treguar se gjatë kujdesit për të kishte lënë pas dore problemet e saj shëndetësore.
Me një karrierë që nisi në vitet ’60, Dolly Parton la pas një trashëgimi të jashtëzakonshme në muzikë dhe kulturën amerikane, duke u shndërruar në një ikonë botërore të muzikës country. Ajo fitoi 11 çmime Grammy dhe u bë pjesë e Hall of Fame të muzikës country, Songwriters Hall of Fame dhe Rock & Roll Hall of Fame.
