TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Autoritetet lokale në Francë mund ta detyrojnë mbajtjen e maskës në hapësirat e jashtme, për të frenuar përhapjen e koronavirusit, tha ministri i Shëndetësisë i Francës, Olivier Veran.
“Ky vendim mund të merret në nivel lokal, varësisht situatës së epidemisë në secilin rajon”, shkroi Veran në Twitter.
Qeveria e Francës tashmë i ka bërë të detyrueshme maskat në të gjitha hapësirat e mbyllura publike, përfshirë transportin publik dhe dyqanet.
Presidenti i Francës, Emmanuel Macron, e ka shpallur “fitoren e parë” ndaj koronavirusit në qershor.
Macron i ka dhënë fund edhe gjendjes së jashtëzakonshme, por shpërthimet lokale të rasteve vazhdojnë.
Franca ka raportuar për 1,377 raste të reja të enjten.
Në total, ky vend – ndër më të goditurit në Evropë – ka konfirmuar mbi 200,000 raste të të infektuarve dhe më shumë se 30,000 vīktīma.
Në gjithë botën, koronavirusi ka prekur mbi 17 milionë njerëz.
Prej tyre, mbi 670 mijë kanë ndërruar jetë, ndërsa mbi 10 milionë janë shëruar./ REL
