TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish- deputeti i PS-së dhe kreu i partisë ‘Zgjidhja’, Koco Kokëdhima ka thënë se Edi Rama nuk e donte reformën në drejtësi. Në një lidhje telefonike për emisionin ‘Të Paekspozuarit’ të gazetarit Ylli Rakipi në News24, Kokëdhima tha se ambasadorët e akredituar në Tiranë, i kanë dërguar një letër Ramës në dimrin e vitit 2016, ku i bënin shantazh. Letra ishte nga Departamenti Amerikan i Shtetit.
“Rama nuk donte të bënte reformën në drejtësi. Ai mendonte se do ua hidhte të gjithëve dhe do bënte kapjen e reformës. Ambasadorët e shantazhuan Ramën me një letër që i dërguan. Në fillim të dimrit të vitit 2016, Departamenti Amerikan i Shtetit, nëpërmjet një letre i kërkonin qeverisë që t’i hapte rrugën reformës në drejtësi, pasi Rama kërkonte ta kapte. Kushtetuta u ka dhënë një rol të madh ambasadorëve të cilët nuk zgjidhen nga njerëzit. Ka raste kur ambasadorët mbështesin politikanë të korruptuar”- tha Kokëdhima.
Sipas Kokëdhimës, Ramës i ka ardhur një letër me gjashtë akuza me karakter penal dhe për këtë arsye ai është dorëzuar dhe ka pranuar të bëhet reforma në drejtësi.
/TPZ.AL/
