TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Australia ka dëbuar ambasadorin iranian Ahmad Sadeghi, pas zbulimeve se qeveria iraniane ka orkestruar sulme antisemite në territorin australian, përfshirë një incident në sinagogën "Adass Israel" në Melburn.
Kryeministri Anthony Albanese e cilësoi këtë si një akt të jashtëzakonshëm agresioni nga një shtet i huaj, ndërsa theksoi se sulmet kishin për qëllim nxitjen e përçarjes dhe dobësimin e kohezionit social në vend.
Shërbimi i Inteligjencës së Sigurisë Australiane (ASIO) ka konfirmuar përfshirjen e Teheranit në organizimin e këtyre veprimeve.
Kjo është hera e parë që Australia dëbon një ambasador që nga Lufta e Dytë Botërore, sipas ministres së Jashtme Penny Wong. Ajo shtoi se edhe tre diplomatë të tjerë iranianë janë shpallur persona non grata dhe kanë afat shtatëditor për t'u larguar nga vendi.
Ambasada australiane në Teheran është mbyllur përkohësisht dhe personeli diplomatik është zhvendosur në një vend të tretë për siguri. Qeveria u ka bërë thirrje të gjithë qytetarëve australianë që ndodhen në Iran të largohen menjëherë nëse është e mundur.
