TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dymbëdhjetë fëmijë dhe një shofer humbën jetën pas përplasjes së një autobusi me një tjetër automjet në Afrikën e Jugut. Shtatë fëmijë të tjerë u plagosën dhe u dërguan menjëherë në spital.
Autobusi transportonte fëmijë të shkollave fillore, të cilët zakonisht janë të moshës 6 deri në 13 vjeç. Në pamjet e transmetuara nga televizioni, autobusi duket se është shkatërruar nga zjarri. Aksidenti ndodhi rreth 70 kilometra në perëndim të qytetit të Meraphong.
Afrika e Jugut ka një nga rrjetet rrugore më të zhvilluara të kontinentit, por është ndër vendet me performancën më të keqe në sigurinë rrugore.
