TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtori i Përgjithshëm i Policisë së Shtetit, Skënder Hita, së bashku me Kryeinspektorin e IKMT-së, Afrim Qendro, morën pjesë pasditen e kësaj të mërkure në operacionin për prishjen e një ndërtimi pa leje, të tipit “beach bar”, në zonën e Karaburunit.
Sipas njoftimit të autoriteteve, objekti prej druri po ndërtohej nga personat e identifikuar me inicialet O. Sh. dhe S. D., të cilët ishin proceduar penalisht edhe më parë dhe kishin tejkaluar afatin kohor të përcaktuar për prishjen vullnetare të objektit.
Gjatë operacionit u vu në pranga njëri prej ndërtuesve, S. D. Ndërkohë, ortaku i tij, O. Sh., u shpall në kërkim. Autoritetet vijojnë punën për lokalizimin dhe kapjen e tij.
Gjatë një prononcimi, Drejtori i Përgjithshëm i Policisë së Shtetit, Skënder Hita, dhe Kryeinspektori i IKMT-së, Afrim Qendro, përcollën një mesazh për të gjithë qytetarët që të mos ndërmarrin iniciativa për të kryer ndërtime pa leje, pasi do të përballen me forcën e ligjit.
Ndërkohë, nga ana e Drejtorisë Vendore të Policisë Vlorë vijojnë veprimet hetimore për nxjerrjen përpara përgjegjësisë ligjore të personave të tjerë përgjegjës, të cilët kanë lejuar apo kanë dhënë leje në kundërshtim me ligjin.
