TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një alarm për bombë në shkollën “Edith Durham” në Tiranë ka shkaktuar shqetësim dhe panik, duke vënë në lëvizje autoritetet e sigurisë.
Për ngjarjen ka reaguar zv.kryeministrja dhe ministrja e Arsimit, Albana Koçiu, e cila e ka dënuar ashpër këtë veprim.
Koçiu e cilësoi alarmimin për bombë si një “çmenduri të mirëfilltë kriminale”, duke theksuar se raste të tilla nuk mund të konsiderohen si shaka, pasi cenojnë sigurinë e nxënësve, mësuesve dhe prindërve.
Sipas saj, dhënia e një alarmi të rremë për një mjet shpërthyes krijon panik të panevojshëm dhe detyron institucionet të ndërmarrin masa të menjëhershme sigurie. Zv.kryeministrja theksoi se liria e shprehjes nuk mund të përdoret si justifikim për veprime që rrezikojnë sigurinë publike.
Ajo kërkoi që autoritetet të zbardhin sa më shpejt rrethanat e ngjarjes dhe përgjegjësit të përballen me pasojat ligjore.
