TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një zonë e mbjellë me ullinj në fshatin Veleshnje në Berat është përfshirë nga flakët. Zjarri ka nisur papritur në një nga ullishtet e fshatit dhe si pasojë e erës, zjarri është përhapur me shpejtësi drejt zonës kodrinore, të mbushur me pemë ulliri.
Në zonën e zjarrit kanë shkuar menjëherë 2 grupe shërbimi të Shërbimeve Zjarrfikëse dhe në një kohë të shkurtër flakët janë vënë nën kontroll.
Si pasojë e zjarrit është djegur një sipërfaqe e konsiderueshme me shkurre e ferra dhe disa rrënjë ullinj. Falë ndërhyrjes së shpejtë të zjarrfikësve nuk pati dëme në njerëz dhe në banesat që ndodheshin shumë pranë vatrës së zjarrit.
