TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Dibrës ka arrestuar 43-vjeçarin me iniciale V.E., i cili dyshohet se ka vrarë në vitin 2017, Alban Kaloshin.
43-vjeçari është dënuar nga Gjykata e Apelit me 16 vjet burg për ngjarjen. Ndërkohë pas hekurave ndodhet dhe shtetasi me iniciale V.T., pasi dyshohet se ka qenë i pranishëm në momentin kur 43-vjeçari dyshohet se ka vrarë me armë zjarri 42-vjeçarin në Peshkopi.
Kujtojmë se ngjarja ka ndodhur në një lokal në fshatin Bllicë.
Në periferi të qytetit të Peshkopisë policia gjeti makinën e A.B., me të cilën është bërë dhe transportimi i viktimës për në spital.
Shtetasi me iniciale A.B., ka qenë pronar i një pike bastesh, por nuk njihej si person me probleme, apo me precedentë të mëparshëm penalë.
“Shërbimet e Drejtorisë Vendore të Policisë Dibër ekzekutuan masën e sigurisë “Arrest në burg”, për shtetasin V. (Xh.) E., 43 vjeç, banues në fshatin Pollazhan, Dibër. Gjykata e Apelit Tiranë i ka caktuar këtë masë sigurie dhe e ka dënuar me 16 vjet burg, 43-vjeçarin, pas hetimeve për vrasjen e shtetasit A. K., të kryer në vitin 2017”, njoftoi policia.
Materialet procedurale i kaluan prokurorive përkatëse, për veprime të mëtejshme.
