TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
31-vjeçarja Zoje Bregu, është viktima e aksidentit të rëndë që u shënua mbrëmjen e të mërkurës në aksin rrugor Shkodër-Koplik, në fshatin Shtoj.
Policia bën me dije se ka arrestuar shtetasin G. B., 47 vjeç, i cili dyshohet se ka aksidentuar me pasojë vdekjen 31 vjeçaren, banuese në fshatin Shtoj i Ri, Shkodër, e cila po lëvizte me biçikletë.
Njoftimi nga Policia Shkodër
Specialistët e Qarkullimit Rrugor arrestuan në flagrancë shtetasin G. B., 47 vjeç, banues në fshatin Shtoj i Ri, Shkodër, për veprën penale “Shkelja e rregullave të qarkullimit rrugor”.
Ky shtetas, më datë 22.06.2022, rreth orës 21:20, në aksin rrugor Shkodër-Koplik, në fshatin Shtoj, duke drejtuar automjetin e tij, ka aksidentuar me pasojë vdekjen shtetasen Z. B., 31 vjeçe, banuese në fshatin Shtoj i Ri, Shkodër, e cila po lëvizte me biçikletë.
Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.
