AKTUALITET, 3 Prill 2023, 21:32

A keni llogari bankare në offshore?! Kryemadhi tregon ku i mban paratë: Unë dhe e gjithë familja...

A keni llogari bankare në offshore?! Kryemadhi tregon ku i mban

Monika Kryemadhi ka folur për akuzat e ditëve të fundit, të publikuara fillimisht nga Top Channel, se ajo ka marrë para ruse nga biznesmenë që sponsorizojnë edhe Vladimir Putinin. 

E ftuar në emisionin "Të Paekspozuarit" në MCN TV, Kryemadhi i cilësoi akuzat si shpifje dhe falsifikime, për të cilat deklaroi se do të depozitojë kallëzim penal "për shpifje dhe shantazh". 

E pyetur nëse disponon llogari bankare jashtë vendit, Kryemadhi tha se të gjithë paratë e saj dhe të familjes, gjenden në bankën Credins në Shqipëri.

Pjesë nga biseda: 

Klodian Tomorri: Pse nuk e keni bërë kallëzimin për shpifje? 

Monika Kryemadhi: Do e punojë unë këtë gjë, sepse unë nuk bëj padi copy paste. Do i marr unë emailin Top Channel. Po të jesh pa tru, sigurisht që të përdor Endri Fuga.

Ylli Rakipi: Thua që e ka bërë direkt Endri Fuga këtë punë?

Monika Kryemadhi: Direkt Edi Rama.

Ylli Rakipi: Po ti the njëherë ma ka bërë Veliaj...

Klodian Tomorri: Çfarë informacionesh keni që është përdorur Tal Hanan?

Monika Kryemadhi: Unë nuk flas kot, do t’ja ndjejmë zërin edhe Tal Hanan.

Ylli Rakipi: A keni ju llogari bankare jashtë vendit dhe në offshore?

Monika Kryemadhi: Jo nuk kam asnjë llogari bankare jashtë vendit dhe asnjë biznes. Unë dhe familja i kemi të gjithë llogaritë në bankën Credins. Aty më futet rroga...

Ylli Rakipi: Po kështu të varfër dilni të gjithë ju…

Monika Kryemadhi: Unë nuk jam e varfër zoti Rakipi. Kam një pallat, të ndërtuar me firmën e të treve këta...

Ylli Rakipi: Thoni që këto janë të falsifikuara, a jeni interesuar se kush i ka falsifikuar?

Monika Kryemadhi: Do ta gjejmë edhe këtë.