TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Këngëtari Kastro Zizo ka folur mbi koncertet dhe tërheqjen nga muzika.
Në një intervistë në "TV Klan" Ai sqaroi se prej 3 vjetësh ka hequr dorë nga problemet me abuzimin e si pasojë, është tërhequr edhe nga skena.
Ai ka treguar arsyet pse nuk ka qenë i pranishëm në koncerte gjatë sezonit veror, si gjithë këngëtarët e tjerë që sapo mbyllën një periudhë të nxehtë.
Si është e vërteta e koncerteve?
Kastro Zizo: E vërteta e koncerteve është se kam refuzuar koncertet dhe e vërteta e koncerteve është se nuk janë koncerte.
Besomëni që edhe artistët tanë të mëdhenj për ca lekë këndojnë edhe në oborrin tënd nëse ti i plotëson ato kushtet.
Një sekondë tani. Edhe Christina Aguilera ka qenë në dasmë në Rusi.
Kastro Zizo: Po ka qenë se i ka dhënë petullat ai, i ka dhënë lekët ai njeriu dhe ka kënduar.
Është një gjë që Christina e ka pranuar, di dhe është një industri tjetër dhe është një gjë tjetër që X artistë këtu të rritur me gjizë e hudhra ta shesin personalitetin e vet si diva apo divër internacionalë.
Problemi është te gjiza dhe hudhra, se gjizë dhe hudhra ka ngrënë edhe Michael Jackson?
Kastro Zizo: Pak kohë ka ngrënë ai gjizë e hudhra.
