TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Politikani Kastriot Islami gjykon se problem kryesor që nuk ka marrë zgjidhje ende nga gjithë çfarë është duke u bërë me Reformën Zgjedhore, është blerja e votës.
Madje, ky problem sipas tij po thellohet. E jo më kot, Islami përdor edhe sarkazmën për të ilustruar bindjen e tij.
“Gjithë çka diskutohen për Reformën Zgjedhore dhe sistemin zgjedhor janë shumë të rëndësishme, prandaj askush jo vetëm nuk mund të jetë kundër, por do të jetë në mbështetje të plotë, - shkruan Islami në Facebook. - Por problemi kryesor, i cili nuk ka marrë zgjidhje e madje po thellohet është “blerja e votës”.
Në literaturën për zgjedhjet kjo njihet me terminologjinë “netët e qenve lehës”, sepse sa herë që pagatorët me para nëpër trasta shkonin nëpër shtëpitë e fshatit për të ndarë paratë në këmbim të botës, fillonin e lehnin qentë e fshatit!
Dikush, pasi e dëgjoi këtë fakt, më thotë: "Hajdutët e votave të Rilindjes kanë marrë masa që edhe qentë të mos lehin, duke iu hedhur paraprakisht ushqim... "
Pra zgjidhja duket do të duhet më thellë e më komplekse. Por sidoqoftë zgjidhje ka,” përfundon Islami.
