TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të tjera janë mësuar nga ngjarja tragjike që ndodhi në Malin me Gropa, tetë vite më parë.
Dëshmitari i mbrojtur ka treguar pjesë të tjera të historisë nga çastet e fundit të Eglantina Bucit.
ABC News ka siguruar pjesë nga dëshmia e tij.
I penduari i drejtësisë ka treguar se babi i vajzës, Faik Buci e kishte bërë planin për të vrarë vajzën.
Shpesh, ai e ndiqte me motor. Një ditë vajza sapo zbriti nga autobusi teksa shkonte tek shtëpia e xhaxhait të saj pa që i ati po e ndiqte.
Për t’i shpëtuar i humbi nga sytë dhe humbi mes njerëzve.
“Ditën që Shkëlzeni kreu vrasjen na mori të dyve në makinë. I kërkonte llogari Eglantinës.
Do të më tregosh gjithçka ke bërë dhe do të lë rehat të shkosh. Vajza i tha se ja kishte treguar të gjitha.
Kur po iknin për në Malin me Gropa, sapo kaluam gurotet, Eglantona më kërkoi ndihmë,” rrëfen dëshmitari.
Po ashtu, ai thotë se 23-vjeçarja i kërkoi ndihmë.
“Më tha ‘Foli këtij. Më ndihmo. Ky nuk është mirë, do bëj ndonjë gjë. Nuk është në terezi’.”
Shkëlzeni, sipas tij, i kërkoi llogari se pse kishte ikur nga shtëpia dhe e kishte pyetur se pse u mori lekë.
Ndërsa vajza i tha:
“Ju më martuat me një njeri që nuk e doja. Lekët mi morën se më droguan.”
