TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Reshjet intensive të shiut dhe borës kanë shkaktuar probleme nw qarkullim si dhe bllokim në disa akse rrugore rrugore në vend.
Autoriteti Rrugor Shqiptar bën me dije se moti i keq ka shkaktuar rënie gurësh, drurë, si dhe materiale inerte në rrugë.
Disa prej akseve më problematike janë:
Bajram Curri–Valbonë
Kukës–Ura e Zapodit
Kukës–Bushtricë
Elbasan-Gjinar
Librazhd-Steblevë
Qafë Muzinë-Qafë Dushk–Peshkopi
Librazhd–Përrenjas
Elbasan–Qafë Thanë dhe Llogaraja.
Rënie inertesh në rrugë ka pasur edhe në Kukës ku tashmë kanë nisur edhe reshjet e para të borës. Probleme janë konstatuar në Novosej, Shishtavec, Borje e Topojan. Prefekti i Kukësit thekson se janë marrë masat për të shmangur bllokimin e qarkullimit në këtë qark .
Bora ka nisur edhe në Dardhë. Ndërsa mjetet borëpastruese kanë filluar shpërndarjen e kripës për të shmangur problemet në qarkullim.
Përmbytje, erozion dhe bllokim rrugësh janë konstatuar edhe në Polis të Librazhdit. Prurjet e shumta të Lumit Gostimë kanë shkaktuar rrëshqitje të rrugës duke shkaktuar bllokimin e fshatrave Polis Sheh dhe Fushë Bullë. Banorët ankohen se kanë mbetur të bllokuar
Moti i keq përgjatë natës ka krijuar probleme edhe në Bashkinë e Gjirokastrës. Dalja nga shtrati i përroit të Lënxës ka krijuar probleme në qarkullimin e njerëzve dhe makinave që lidhin dy lagjet kryesore të fshatit Lazarat.
Më problematike situata paraqitet në aksin rural Kolonjë-Golem ku inertet e rena nga lartësitë si pasoje e shirave, kanë krijuar bllokimin e rrugës. Autoriteti Rrugor Shqiptar u bën thirrje drejtuesve të mjeteve që të bëjnë kujdes në lëvizje dhe të respektojnë sinjalistikën rrugore.
