AKTUALITET, 22 Nëntor 2021, 17:48

Plas keq/ Meta i nxjerr të palarat Bashës: M'u përgjërua me lot në sy, të anulloja zgjedhjet, pastaj nuk u regjistrua në KQZ!

Plas keq/ Meta i nxjerr të palarat Bashës: M'u

Presidenti Ilir Meta, ka dalë në një konferencë për shtyp, ku ka treguar për herë të parë, prapaskenat e protestave të opozitës dhe anullimin e dekretit për zgjedhjet vendore të 30 qershorit 2019. 

Meta tha se kryetari i opozitës, Lulzim Basha, ishte shumë i frikësuar nga pasojat e protestave që po ndërmerrte opozita dhe i ishte "përgjëruar dhe lutur" presidentit, që ky i fundit të shtynte zgjedhjet. 

Meta bëri të ditur sot, se pasi ai dekretoi datë të re për zgjedhjet, Lulzim Basha edhe pse kishte kërkuar vetë anullimin e zgjedhjeve në 30 qershor, "nuk kishte denjuar të regjistrohej" për zgjedhjet në 12 tetor. 

Meta ngriti pyetjen, se kujt i kanë shërbyer të gjithë këto veprime të Bashës, duke thënë indirekt, se ato i kanë shëbyer interesave të mazhorancës. 

"Gjuha e urrejtjes që përdori kryetari i të ashtuquajturës opozitë, rrezikonte rëndë sigurinë publike, demokracinë dhe paqen në vend. Në ditët që i paraprinë kësaj proteste të paralajmëruar si protesta finale që do bëhej hataja, presidenit administroi edhe informacion nga institucione tligjzsbatuese se gjatë kësaj proteste do të përdorej dhunë e pakontrolluar ndaj institucioneve dhe veçanërisht Kuvendit. 

Presidenti ndodhej për vizitë në Gjermani. Në të njëjtën periudhë erdhi dhe Lulzim Basha në Gjermani, përpara protestës. Duke u përgjëruar me lot në sy që presidenti të anulonte protestën e opozitës në 8 qershor dhe po kështu të shtynte edhe zgjedhjet. Sepse kjo sipas Lulzim Bashës protesta që ai kishte organizuar, do të degradonte në dhunë dhe se ai nuk e kontrollonte dot e do të ishte përgjegjës për pasojat e dhunës.

I trembur dhe i panikosur nga përgjegjësitë e tij përballë popullit opozitar si edhe i frikësuar deri në palcë nga përgjegjësitë ligjore, që do të mbante, Lulzim Basha i'u ul në gjunjë presidentin, duke iu përgjëruar të anullonte zgjedhjet. 

Pikërisht në 8 qershor, kur presidenti mbërriti në Shqipëri, presidenti u njoh me situatën. Pas vlerësimit të rrethanave, pak minuta përpara fillimit të protestës së opozitës, bëri publik njoftimin për shfuqizimin e dekretit për zgjedhjet, duke anulluar datën 30 qershor 2019, si ditë të zhvillimit të zgjedhjeve vendore. 

Presidenti, pasi vlerësoi dhe analizoi situatën e krijuar në vend, mori këtë vendim për të ç'tensionuar situatën dhe shmangur konfliktin. Edhe për t'i dhënë rrugëdalje Bashës dhe opozitës, që ai e kishte futur në udhëkryq. 

Ai që thërriste njerëzit në protesta, ishte i tmerruar nga rezultati i protestave. Në të shtatë protestat e mëparshme, dhjetëra qytetarë e policë kishin pësuar lëndime të rënda. 

Presidenti bëri të gjithë përpjekjet e tij, në mënyrë që të caktonin një datë të re, që të merrnin pjesë të gjithë forcat në vend. Presidenti me pas, miratoi dekretin për caktimin e datës 12 tetor, për mbajtjen e zgjedhjeve", tha Meta ndër të tjera.