TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një sasi e vogël lënde plasëse ka shpërthyer në ambientet e jashtme të një lokali në rrugën “Ramazan Gaxherri” në Tiranë.
Shpërthimi është regjistruar rreth orës 01:15 minuta të 25 marsit.
Mesohet se ka qenë vetëm një autor që e ka vendosur, por tani do të këqyren të plota pamjet e kamerave, për të kuptuar më shumë.
Pronari i lokalit Sotiraq H. ka deklaruar në polici se nuk ka konflikte dhe se nuk e di kush mund të jenë autorët e ngjarjes.
“Rreth orës 01:15, është marrë njoftimi se në rrugën “Ramazan Gaxherri”, në ambientin e jashtëm të një lokali të mbyllur në pronësi të shtetasit S. H, rreth 44 vjeç, dyshohet se ka plasur një sasi e vogël lëndë plasëse” informoi sot policia.
Si pasojë ka vetëm dëme të vogla materiale. Nuk ka persona të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve”.
