TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përsëritet skema sërish. Teza e e Gjuhës dhe Letërsisë Shqipe është publikuar në rrjete sociale 20 minuta pas nisjes
Në rrjete sociale ka qarkulluar me shpejtësi variant i tezës B
Teza është duke qarkulluar gjerësisht në internet, ndërkohë që maturantët vijojnë të jenë nëpër klasa.
Nuk dihet nëse teza është fotografuar nga vetë maturantët apo jo, pasi me rregull asnjë prej tyre nuk duhet të mbante celular në sallë.
Ndërkohë provimi vijon deri në në orën 12:30.
Publikimi i tezave të provimeve të Maturës që duhej të ishin sekret vijojnë të bëhen publike.
Mbi 27.000 maturantë në të gjithë vendin po testojnë njohuritë e tyre në provimin e Gjuhës dhe Letërsisë.
Provimi ka nisur në orën 10:00 dhe do të përfundojë në orën 12:30. Provimi zhvillohet në145 qendra në të gjithë vendin, ndërsa më shumë se 640 mësues do të korrigjojnë testet.
Pajisjet elektronike janë të ndaluara gjatë procesit e për këtë arsye janë marrë edhe masa ekstra në institucionet arsimore, duke i pajisur ambientet e testimit me bllokues valësh.
Më 3 qershor, maturantët testuan njohuritë e tyre në lëndën e gjuhës së huaj, por njëjtë edhe si kësaj here, teza e provimit përfundoi në internet.
Lidhur me publikimin e tezave Ministria e Arsimit reagoi duke qetësuar prindërit se procesi ishte duke vijuar normalisht dhe se publikimi i tezave nuk ndikonte në zhvillimin e provimit.
